Surah At Tariq Ayat 15 Urdu Translation Tafseer

Para 30 - عَمَّ

سورة الطارق

Audio PDF

بِسْمِ اللّٰهِ الرَّحْمٰنِ الرَّحِیْمِ

86.15-17

اِنَّهُمْ یَكِیْدُوْنَ كَیْدًاۙ (15) وَّ اَكِیْدُ كَیْدًاﭕ(16) فَمَهِّلِ الْكٰفِرِیْنَ اَمْهِلْهُمْ رُوَیْدًا۠ (17)

Kanz ul Iman Kanz ul Irfan

کنزالعرفان

بیشک کافر اپنی چالیں چل رہے ہیں ۔ اور میں اپنی خفیہ تدبیر فرماتا ہوں ۔ تو تم کافروں کو ڈھیل دو، انہیں کچھ تھوڑی سی مہلت دو۔

تفسیر : ‎صراط الجنان

{اِنَّهُمْ یَكِیْدُوْنَ كَیْدًا: بیشک کافر اپنی چالیں چل رہے ہیں ۔} اس آیت اور ا س کے بعد والی دو آیات کا خلاصہ یہ ہے کہ کفارِ مکہ اللّٰہ تعالیٰ کے دین کو مٹانے،حق کے نور کو بجھانے اورتاجدارِ رسالت صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کو تکلیف پہنچانے کے لئے طرح طرح کی چالیں چل رہے ہیں اور میں اپنی خفیہ تدبیر فرماتا ہوں جس کی انہیں خبر نہیں تواے پیارے حبیب! صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ، آپ کافروں کی ہلاکت کی دعا نہ فرمائیں بلکہ انہیں ڈھیل دیں اور انہیں چند روز کے لئے کچھ تھوڑی سی مہلت دیں کیونکہ وہ عنقریب ہلاک کر دئیے جائیں گے، چنانچہ ایسا ہی ہوا اور غزوۂ بدر میں انہیں اللّٰہ تعالیٰ کے عذاب نے اپنی گرفت میں لے لیا۔( خازن، الطّارق، تحت الآیۃ: ۱۵-۱۷، ۴ / ۳۶۹، مدارک، الطّارق، تحت الآیۃ: ۱۵-۱۷، ص۱۳۳۹، ملتقطاً)

Next Ayat Prev Ayat